На 8.10. 2012 Амбасадорот на Република Чешка во Македонија М. Рамеш заедно со градоначалникот на градот Гостивар Р. Османи ја отвори специјализираната училница за деца со пречки во видот. Комплетната реконструкција на училницата и нејзиното целосно опремување со техника за хендикепирани деца беа реализирани од средствата за Мали локални проекти одделени од Чешката агенција за развој за 2012 година.

Се работи за второ по ред опремување на училница во Македонија, а посебноста на проектот во износ од 12.000 € лежи во интеграцијата на децата со пречки во видот во редовната настава – училницата е дел од Основното Училиште М. К. Ататурк. Според градоначалникот на Гостивар се работи за уникат не само во рамки на Македонија, туку и во рамки на целиот регион.