Според Амбасадорот Мирослав Рамеш кој во својот говор кратко го претстави делото на лауреатот и истакна дека Чешка и Македонија ги поврзуваат далечна историја, духовна, културна и јазична блискост и цивилизациски вредности, токму во сегашната сложена и бурна доба е битно да се споменат значењата на поимите хуманизам, вистина, идентитет, но и слобода и самостојност, зашто не секогаш овие поими се подразбирале.

Јиржи Свобода во својот настап исто така ги спомена и блиските луѓе и литературните дела што имаат одлучно влијание врз духовното формирање на неговата личност, предупреди дека длабоките мисли се заменети со „неконечните длабочини на интернетот“ и христијанскиот храм со „храмот на потрошувачката“ и изрази надеж дека иднината им припаѓа на луѓето што се верни на своето убедување и се поврза со наследството на хеленската култура, ренесансата и просветителството.