Амбасадорот Мирослав Томан потсети, меѓу другото, дека подарокот е уште еден доказ дека Репулика Чешка е многу активна во борбата против мигрантската криза и дека не се концентрира само на својата територија, туку се обидува да ги спречи тешкотиите и проблемите низ цела Европа. Министерот за внатрешни работи, Оливер Спасовски, ја истакна важноста од ангажирање на повеќе од 530 членови на полиција на Република Чешка во заштитата на македонско-грчката граница за безбедност на цела Европа, "вонредниот придонес" на Чешка во зајакнување на капацитетот посебно на граничната полиција, а особено што финансиската и материјално - техничка помош од страна на Република Чешка веќе надмина 2 милиони евра.