Официјална посета на министерот за одбрана Мартин Стропницки
21.10.2016 / 15:11 | Aktualizováno: 21.10.2016 / 15:13
Во текот на официјалната посета на Република Македонија, министерот за одбрана на Република Чешка Мартин Стропницки на 12 и 13.10.2016 година во Скопје разговараше со својот македонски колега Зоран Јолевски и со претседателот Ѓорге Иванов, го разгледа центарот за тренинг на пилоти, се запозна со ситуацијата на македонско-грчката граница, каде се сретна со припадниците на V контингент на Полицијата на Република Чешка и го посети центарот за прифаќање мигранти Винојуг кај Гевгелија.
Покрај перспективите за соработка на вооружените сили на двете земји за време на разговорите беше потенцирана проблематиката на мигрантската криза, регионалната и глобалната безбедносно-политичка ситуација. Министерот Стропницки меѓу другото потврди и дека Република Чешка потполно ги поддржува евроатлантските аспирации на Република Македонија и дека и понатаму е подготвена сестрано да помага во решавање на случаите на мигрантската криза. Македонските партнери се заблагодарија за политичката, моралната, материјалната и персоналната поддршка што земјата долготрајно ја добива од страна на Република Чешка.
Галерија
MO
