Ngjarja u organizua si pjesë e programit Ndihmë për Tregtinë e Ministrisë së Industrisë dhe Tregtisë së Republikës Çeke. Gjatë seminarit, ekspertët nga kompania çeke “RPSC Ideas” prezantuan një chatbot të ri për Odën Ekonomike të Kosovës dhe kompanitë kosovare që janë të interesuara për zhvillimin e bashkëpunimit tregtar dhe afarist. Këshilltari për tregti i Ambasadës së Çekisë në Prishtinë i njoftoi përfaqësuesit e kompanive kosovare për mundësitë e bashkëpunimit me Republikën Çeke dhe për portalin Businnessinfo.cz.