Projekti transformues çek në ndihmë medieve të lira në Kosovë
02.07.2020 / 00:21 | Aktualizováno: 23.03.2023 / 14:45
Më 30 qershor 2020, udhëheqësi i Ambasadës së Republikës së Çekisë në Prishtinë, Pavel Bílek, nënshkroi një kontratë për një projekt të vogël vendor në kuadër të bashkëpunimit tranzicional çek.
Me këtë rast Ambasada mbështet medien e lirë me gazetaren e pavarur, Behare Bajraktari, e cila udhëheq portalin BB Green Kosova. BB Green Kosova është media e vetme në Kosovë e specializuar në prezantimin e temave për mjedisin.
Ambasada e Çekisë në Kosovë, përmbush njërën nga përparësitë e politikës së jashtme të Republikës së Çekisë, për Ballkanin Perëndimor. Synimi i projektit transformues është fuqizimi i medieve të pavarura në ofrimin e temave me trajtim të thellë për mjedisin.