Forumi i moderuar nga drejtoresha ekzekutive e Institutit Shqiptar për Studime Ndërkombëtare, Alba Ҁela, në ambientet e librarisë ‘Tirana Times’, u ndoq aktivisht nga përfaqësuesit e komunitetit diplomatik dhe akademik, përfshirë nxënës të shkollave të larta. 

Diskutimi përvijoi shkurtimisht ecurinë e marrëdhënieve Çeko-Sllovake, duke u fokusuar në pikat e përbashkëta dhe aspektet pozitive të marrëdhënieve, si dhe eksploroi dallimet e mundshme në qëndrime dhe qasje. U nënvizua se rrënjët e thella në historinë e përbashkët ndikuan pozitivisht në ndarjen miqësore dhe më tej në krijimin e një dinamike të shëndetshme në marrëdhëniet dypalëshe. Ndërkohë që pas ndarjes dhe shënjimit të kufirit, ribashkimi u bë në një kohë të shkurtër në një zonë pa kufij brenda Bashkimit Europian. 

Në fjalën e tij, Ambasadori i Sllovakisë në Shqipëri, Albin Otruba, theksoi se bashkëpunimi rajonal është thelbësor për integrimin në BE, ndërsa fokusi duhet të mbahet kryesisht në aspektet që funksionojnë. Ndërkohë ambasadorit çek Karel Urban tha se rrugëtimi drejt Bashkimit është para së gjithash një vendim politik, ndërsa njohuritë për funksionimin procedural të BE-së nuk duhet nënvlerësuar që në fillim. Sipas tij, “Brukseli”