Inkubatori neonatal është prodhuar nga kompania çeke TSE dhe çanta e transportit neonatal nga kompania çeke EGO Zlín.

Republika Çeke financon të paktën një projekt në vit në Shqipëri në kuadër të Asistencës për Zhvillim në sektorin e shëndetësisë. Vitet e kaluara, Ambasada Çeke ndihmoi në pajisjen e dhomës së lojërave për fëmijë dhe dhomës së vizitave për prindërit në pavionin onkologjik të Spitalit Pediatrik në Tiranë dhe furnizoi me pajisje të ndryshme diagnostikuese QSUT-në.

Këtë vit Ambasada Çeke në Tiranë do të mbështesë prodhimin e protezave të gjymtyrëve nga OJQ-ja “Shpresë për Jetën” dhe do të dhurojë disa shtretër spitalor për Qendrën Spitalore Universitare “Nënë Tereza”.

Republika Çeke është prodhuese tradicionale e pajisjeve mjekësore të teknologjisë së lartë dhe ka një nga sistemet më të mira të kujdesit shëndetësor në BE.

Ndarja e njohurive dhe produkteve të kujdesit shëndetësor me Shqipërinë do të kontribuojë padyshim në thellimin e mëtejshëm të marrëdhënieve ekonomike dhe tregtare çeko-shqiptare.