Në dorëzimin e medaljes, Ministri Lipavsky vlerësoi se miqësia e zonjës Dhonato pwr Çekinw buronte nga studimet e saj në ish-Çekosllovaki. Ai theksoi punën e saj të palodhur për të promovuar vazhdimisht kontaktet, bashkëpunimin dhe marrëdhëniet çeko-shqiptare përgjatë dekadave. Për njëzet vjet, zonja Dhonato ka udhëhequr ish-studentët e shkollave çeke, miq të Republikës Çeke, si dhe ka kontribuar aktivisht në promovimin e shkencës, kulturës, gjuhës dhe traditave çeke në Shqipëri.

Zonja Marika Dhonato e pranoi me emocion medaljen si një njohje jo vetëm të punës së saj, por të të gjithë komunitetit të nxënësve shqiptarë të shkollave çekosllovake që kanë përdorur njohuritë e marra gjatë studimeve, por dhe kanë rënë në dashuri me tokën e bukur çeke. Ajo shprehu gëzimin e saj që pas shumë vitesh mund t'ua kalonte stafetën brezit të ri të miqve të Çekisë, ndërsa falënderoi gjithashtu MPJ-në për mbështetjen në zbatimin e tre projekteve të mëdha të Shoqatës në Tiranë dhe Pragë.

Ceremonia e nderimit të znj. Dhonato, u pasua nga një koncert i shkurtër recital në piano nga Zv.Dekania i Fakultetit të Muzikës të Universitetit të Arteve të Tiranës, znj. Skënderi (në një piano Petrof të huazuar në Ambasadë nga Petrof) dhe një Pritje me pjesëmarrjen e miqve Republikës Çeke, dhe Ambasadorit të Sllovakisë në Tiranë, z. Altin Otruba.