Përfaqësuesit e Ministrive të Punëve të Jashtme të Vishegrad 4 do të mbajnë takime në Tiranë të Martën më 11 Tetor 2016. Ata do të priten nga Drejtori i Përgjithshëm i Ministrisë së Punëve të Jashtme të Shqipërisë Z. Ferit Hoxha, Znj. Mimoza Halimi, Drejtore e Departamentit të Europës dhe Azisë Qendrore, Z. Dastit Koreshi, Drejtor i Departamentit të Politikave të Sigurisë dhe Znj. Arlinda Gjata, Shefe e Departamentit të BE-së. Mes temave të diskutuara do të jenë situata në Ballkan, politika rajonale, marrëdhëniet me Rusinë dhe Kinën, politikat e zgjerimit të BE-së në lidhje me Ballkanin Perëndimor, si dhe partneriteti ndërmjet V4 dhe BP6.

Delegacioni gjithashtu do të vizitojë Zyrën e Fondit të Ballkanit Perëndimor dhe do të takohet me drejtorin e Institutit Shqiptar për Marrëdhënie Ndërkombëtare Dr. Albert Rakipi.

Përfaqësuesit e V4 do të vazhdojnë konsultimet e tyre në Shkup, Ish-Republika Jugosllave e Maqedonisë, dhe udhëtimi i tyre do të përfundojë në Beograd, Serbi. Pala çeke do të përfaqësohet nga Z. David Král, Drejtor i Departamentit të Planifikimit të Politikave në Ministrinë e Punëve të Jashtme.