Ekspozita, u organizua nga Zyra e Presidentit dhe u qeverisë nga kuratori Astrit Ibrahimi, prezanton pamjet e zgjedhura nga dhjetë fotografë të Kosovës të cilët përcollën kremtimet në Ditën e Pavarësisë së Kosovës – më 17 shkurt 2008.  “Ishte jehonë e përbashkët e bukurisë së jashtëzakonshme, të ëndrrës së plotësuar, nga dy milionë njerëz në një vend”, thuhet në hyrjen e katalogut të përgatitur nga Rina Meta, me tekst të Petrit Selimit, Rina Metas dhe Shkëlzen Maliqit. Në ekspozitë ishin fotografitë nga Adnan Ruhani, Atdhe Mulla, Armend Nimani, Astrit Ibrahimi, Ermal Meta, Fisnik Dobreci, Kushtrim Tërnava, Petrit Rrahmani, Valdrin Xhemaj dhe Visar Kryeziu.