Pavel Bílek falënderoi zëvendëskryeministrin Besnik Bislimi për bashkëpunimin. Ai, theksoi nivelin shumë të mirë të marrëdhënieve dypalëshe dhe kujtoi vizitën shumë të suksesshme të vitit të kaluar të Besnik Bislimit në Republikën Çeke. Pavel Bílek, vlerësoi intensifikimin e kontakteve dypalëshe në periudhën e fundit dhe shprehu shpresën për thellimin e mëtejshëm të bashkëpunimit, veçanërisht në fushën ekonomike.

Udhëheqësi i Ambasadës Çeke theksoi mbështetjen e Republikës Çeke për perspektivën evropiane të Kosovës dhe të gjitha vendeve të Ballkanit Perëndimor, e cila ishte edhe pjesë e rëndësishme e Presidencës çeke të Këshillit të BE-së, në gjysmën e dytë të vitit 2022. Republika Çeke po ndjek me vëmendje zhvillimet e fundit në marrëdhëniet ndërmjet Kosovës dhe Serbisë. Pavel Bílek theksoi nevojën për të ndërmarrë hapa për të de-përshkallëzuar tensionin aktual dhe për t'u kthyer në tryezën e bisedimeve.