
Udhëheqësi i Misionit u prit në takim lamtumirës nga Kryetari i Kuvendit të Kosovës
17.06.2023 / 11:04 | Aktualizováno: 17.06.2023 / 11:08
Më 16 qershor 2923, udhëheqësi i Misionit të Republikës Çeke në Kosovë, Pavel Bílek, është pritur nga kryetari i Kuvendit të Kosovës, Glauk Konjufca, në një takim lamtumirës para përfundimit të misionit të tij në Kosovë.
Pavel Bílek falënderoi për bashkëpunimin e shkëlqyer dhe vlerësoi nivelin shumë të mirë të marrëdhënieve dypalëshe. Kohët e fundit ka pasur një intensifikim të kontakteve, përfshirë edhe mes parlamenteve të të dy vendeve. Ai rikujtoi mbështetjen afatgjatë për zhvillimin e proceseve demokratike në Kosovë dhe theksoi mbështetjen për perspektivën evropiane të Kosovës dhe të gjitha vendeve të Ballkanit Perëndimor, e cila ishte edhe pjesë e rëndësishme e Presidencës Çeke të Këshillit të BE-së. në gjysmën e dytë të vitit 2022.
Republika Çeke po i kushton vëmendje situatës aktuale në marrëdhëniet ndërmjet Kosovës dhe Serbisë. Pavel Bílek theksoi nevojën për hapa që çojnë në uljen e tensioneve dhe kthimin në tryezën e bisedimeve, të cilat duhet të mundësojnë përmbushjen e marrëveshjeve të këtij viti nga Brukseli dhe Ohri.