česky  shqip  english 

Advanced search
na_celou_sirku
Photo: PMO
Article notification Print Decrease font size Increase font size Facebook logo

Udhëheqësi i Misionit është pritur në takim lamtumirës nga Kryeministri i Kosovës

Udhëheqësi i Ambasadës Çeke në Kosovë, Pavel Bílek, më 30 qershor është pritur nga kryeministri i Republikës së Kosovës, Albin Kurti në një takim lamtumirës.

Pavel Bílek theksoi nivelin shumë të mirë të marrëdhënieve dypalëshe dhe intensifikimin e tyre në periudhën e fundit. Republika Çeke është e interesuar për zhvillimin e mëtejshëm të tyre, veçanërisht në fushën ekonomike. Pavel Bílek e cilësoi vendimin për liberalizimin e vizave për qytetarët e Kosovës si një nga rezultatet e rëndësishme të Presidencës Çeke të Këshillit të BE-së. Së bashku me kryeministrin ata kanë kujtuar momentin historik për Kosovën, kur Albin Kurti në fund të vitit të kaluar në Pragë dorëzoi kërkesën e Kosovës për anëtarësim në Bashkimin Evropian.

Në këtë kontekst, udhëheqësi i Ambasadës Çeke konfirmoi mbështetjen e Republikës Çeke për perspektivën evropiane të Kosovës si dhe mbështetjen për anëtarësim në organizata ndërkombëtare. Në të njëjtën kohë, ai ka theksuar se Republika Çeke është duke i monitoruar nga afër zhvillimet në marrëdhëniet ndërmjet Kosovës dhe Serbisë. Është e nevojshme të ndërmerren hapa për të de-përshkallëzuar tensionin aktual dhe për t'u kthyer në tryezën e bisedimeve.

Udhëheqësi i Misionit është pritur në takim lamtumirës nga Kryeministri i Kosovës

Udhëheqësi i Misionit është pritur në takim lamtumirës nga Kryeministri i Kosovës

Udhëheqësi i Misionit është pritur në takim lamtumirës nga Kryeministri i Kosovës

Udhëheqësi i Misionit është pritur në takim lamtumirës nga Kryeministri i Kosovës