
Udhëheqësi i Ambasadës së Çekisë u takua me kryetarin e Vetëvendosje-s
15.08.2019 / 11:29 | Aktualizováno: 15.08.2019 / 11:36
Udhëheqësi i Ambasadës së Çekisë në Prishtinë, Pavel Bílek, të mërkurën më 14 gusht 2019, u takua me kryetarin e partisë së përfaqësuar në Parlament Vetëvendosje, Albin Kurtin.
Ata, së bashku, diskutuan perspektivën evropiane të rajonit të Ballkanit Perëndimor. Udhëheqësi i Ambasadës theksoi se Ballkani Perëndimor është njëra nga përparësitë e politikës së jashtme çeke dhe se Republika e Çekisë mbështet aktivisht përpjekjet e vendeve të rajonit që të bëhen anëtare të Bashkimit Evropian.
Po ashtu, u diskutua edhe gjendja e tashme politike në Kosovë, derisa kryetari i Vetëvendosje-s, Albin Kurti, informoi për përparësitë e partisë së tij në zgjedhjet e parakohshme parlamentare.