Diskutimi i përbashkët u përqendrua në aktivitetet e RROGRAEK-ut që kanë për qëllim kryesisht mbështetjen e integrimit dhe prezantimit të të drejtave të grave nga bashkësitë rome, ashkali dhe egjiptiane në Kosovë. Qëllimet dhe vizionet e RROGRAEK-ut u prezantuan në fushat e promovimit të dialogut ndër-etnik, ngritjen e vetëdijes për mundësitë e arsimit dhe kujdesit shëndetësor, shkëmbimin e përvojës dhe informacionit me organizata të tjera joqeveritare në nivel vendor dhe ndërkombëtar. Po ashtu, u diskutuan edhe çështje të bashkëpunimit të mundshëm.