Takimi i Udhëheqësit të Ambasadës së Çekisë dhe Kryetarit të Kuvendit të Republikës së Kosovës
14.02.2019 / 13:36 | Aktualizováno: 14.02.2019 / 13:41
Më 5 shkurt 2019, udhëheqësi i Ambasadës së Çekisë z. Pavel Bílek, u prit nga kryetari i Kuvendit të Republikës së Kosovës, z. Kadri Veseli. Kryetari i Kuvendit marrëdhëniet diplomatike dhe politike në mes të Republikës së Çekisë dhe të Kosovës i përshkroi si miqësore dhe shprehu shpresën e tij në thellimin e marrëdhënieve dy-paleshe, në veçanti në fushën e marrëdhënieve ekonomike.
Udhëheqësi i Ambasadës së Çekisë, z. Pavel Bílek, theksoi mbështetjen për integrim në Bashkimin Evropian për të gjitha vendet e Ballkanit Perëndimor, përfshirë Kosovën, dhe shprehu interesimin e Republikës së Çekisë në zhvillimet e mëtejme dy-paleshe, përfshirë bashkëpunimin ekonomik. Z. Pavel Bílek, po ashtu, theksoi se Bashkimi Evropian dhe Republika e Çekisë kujdes të veçantë i kushtojnë dialogut në mes të Kosovës dhe Serbisë.
