
Kremtimi i Purim-it në Kosovë
02.03.2018 / 14:35 | Aktualizováno: 02.03.2018 / 14:38
Më 1 mars 2018, bashkësia hebraike në Kosovës “Bet Israel” kremtoi festën Purim me një gosti në hotelin “Sirius”, në Prishtinë. Kryetari i “Bet Israel”, Ruzhdi Shkodra mirëpriti të gjithë mysafirët ku kishte edhe shumë fëmijë.
Purim është festa më e gëzuar hebraike që kremtohet me festime, me maskaradë, veshje dhe dhurata për miq. Kjo Festë përkujton shpëtimin e hebrenjve, të përshkruar në Librin e Esther të Testamentit të Vjetër, që ngjau në shekullin e IV para lindjes së Krishtit në Perandorinë Persiane, nga koha e mbretërisë së Mbretit Ahasuerus.