Hapja e ekspozitës “Njëzet vjet të Republikës së Çekisë në NATO” ku morën pjesë mysafirë të lartë
19.03.2019 / 13:05 | Aktualizováno: 19.03.2019 / 13:08
Më 14 mars 2019, udhëheqësi i Ambasadës së Republikës së Çekisë në Prishtinë, z. Pavel Bílek, bëri hapjen e ekspozitës të titulluar “Njëzet vjet të Republikës së Çekisë në NATO”, që u mbajt në Bibliotekën Kombëtare “Pjetër Bogdani”, në Prishtinë, për të shënuar 20 vjetorin e anëtarësimit të Republikës së Çekisë në NATO.
Në hapjen e ekspozitës “Njëzet vjet të Republikës së Çekisë në NATO”, morën pjesë mysafirë të nivelit shumë të lartë. Aty morën pjesë kryeministri, Ramush Haradinaj, ministri i mbrojtjes, Rrustem Berisha, komandanti i KFOR-it, gjenerali Lorenzo D´Addario, anëtarë të Parlamentit, anëtarë të korit diplomatik dhe shumë mysafirë të nderuar. Po ashtu, në ceremoni morën pjesë edhe ushtarët çek pjesëtar të misionit të KFOR-it.
Udhëheqësi i Ambasadës së Republikës së Çekisë në Prishtinë, z. Pavel Bílek, në fjalimin e tij ceremonial, theksoi rëndësinë e anëtarësimit të Republikës së Çekisë në NATO dhe vlerësoi lart profesionalizmin dhe përkushtimin Forcave të Armatosura Çeke, që shërbyen në kushte të vështira në misionin e KFOR-it në Kosovë.
Hapja e ekspozitës u pasua me një pritje.
