
Ambasadori çek nderoi ushtarët e rënë çek
22.09.2016 / 13:43 | Aktualizováno: 22.09.2016 / 13:47
Ambasadori çek, Ivo Šilhavý, dhe anëtarët e kontingjentit çek të KFOR-it nderuan ushtarët e rënë çek tek ish baza ushtarake e Çekisë në Shajkofc.
Ambasadori çek dhe anëtarët e kontingjentit çek të KFOR-it, më 14 shtator 2016, tek ish baza ushtarake e Çekisë në Shajkofc, përkatësisht tek memoriali i tyre, nderuan me lule ushtarët çek të rënë tragjikisht.
Anëtarët e batalionit të parë Çekosllovak të KFOR-it rreshteri z. Luděk Severa dhe rreshteri i lartë z. Vlastislav Hendrich para 16 vjetësh vdiqën në incidentin e transportuesit të blinduar OT-64. Akti i përkujtimit është vazhdimësi e traditës që e kishte filluar KFOR-i.
Ambasadori çek, po ashtu, nderoi ushtarët e vdekur sllovak me rastin e vizitës së tij në ish bazën ushtarake.