AcroYoga çeke në Prizren
07.08.2019 / 14:50 | Aktualizováno: 07.08.2019 / 17:03
Ligjëruesja e certifikuar në Acro Yoga International dhe Acro Yoga Montreal niveli I., dhe II., znj. Daniela Dušková, po e udhëheq punëtorinë në Acro Yoga të programit për fëmijë, që i përket programit shoqërues “DokuKids”, pjesë e festivalit të madh filmik “DokuFest”.
Fëmijët, nga 7 deri në 15 vjeç, nën udhëzimet e mësueses çeke mësojnë teknikat e duhura, lëvizshmërinë e mësimit dhe zhvillojnë fuqinë e tyre. Acro Yoga në mënyrë argëtuese zhvillon bashkëpunimin, besimin dhe komunikimin në mes të pjesëmarrësve. Të gjitha këto elemente janë shumë të rëndësishme dhe e plotësojnë njëra-tjetrën. Fëmijët mund të mësojnë diçka të re në punëtori, dhe në veçanti të argëtohen shumë gjatë ushtrimeve.
Çdo vit “DokuFest”, një festival ndërkombëtar i filmave të shkurtër, ofron rreth 200 filma nga e gjithë bota. 18 vjetori i Festivalit mbahet nga 2 deri më 10 gusht 2019, në Prizren të Kosovës.
