![na_celou_sirku](/public/d0/96/48/3672241_2224113__190925_podpis.jpg)
Падпісанне Адміністрацыйнага пагаднення аб прымяненні Дагавора паміж Чэшскай Рэспублікай і Рэспублікай Беларусь аб пенсійным забеспячэнні
25.09.2019 / 10:52 | Aktualizováno: 03.10.2019 / 16:00
Міністр працы і сацыяльнай абароны Рэспублікі Беларусь Ірына Касцевіч і пасол Чэшскай Рэспублікі ў Рэспубліцы Беларусь Томаш Перніцкі 25 верасня 2019 года падпісалі Адміністрацыйнае пагадненне аб прымяненні Дагавора паміж Чэшскай Рэспублікай і Рэспублікай Беларусь аб пенсійным забеспячэнні.
Дагавор тычыцца выплат па разліках абавязковага сацыяльнага страхавання і спосабаў выплаты пенсій за перыяд працы за мяжой. Адміністрацыйнае пагадненне ўстанаўлівае падрабязны механізм супрацоўніцтва паміж адпаведнымі ўстановамі Чэшскай Рэспублікі і Рэспублікі Беларусь у разліку і выплаце пенсій у адпаведнасці з названым Дагаворам. Рэалізацыя Дагавора дазволіць грамадзянам Чэшскай Рэспублікі і грамадзянам Рэспублікі Беларусь, якія пражываюць і працуюць на тэрыторыi другога Дагаворнага Боку, удзельнічаць у яе сістэме абавязковага сацыяльнага страхавання. Такім чынам, рэалізацыя Дагавора дазволіць работнікам атрымліваць на свой банкаўскі рахунак частку сваёй пенсіі з краіны, у якой яны працавалі, калі яны маюць права на пенсію па ўзросту.
Грамадзяне Чэхіі, якія працуюць у Беларусі, могуць звяртацца ў тэрытарыяльныя ўпраўленні працы, занятасцi i сацыяльнай абароны па месцы жыхарства для разліку і выплаты пенсій. Абодва дакументы -Дагавор і Адміністрацыйнае пагадненне ўступяць ў сілу 1 кастрычніка 2019 года.
![Podpis dohody](/public/65/e1/8f/3672255_2224113__190925_podpis_text.jpg)
сачыце за намі на