Міжнародны дзень спынення беспакаранасці за злачынствы супраць журналістаў

02.11.2022 / 15:15 | Aktualizováno: 02.11.2022 / 15:18

Журналісты па ўсім свеце працягваюць быць мішэнямі для пераследу. У 2022 годзе колькасць зняволеных журналістаў дасягнула рэкорднага паказчыка, а больш за 50 журналістаў і супрацоўнікаў СМІ было забіта пры выкананні сваіх абавязкаў толькі за гэты год.

Сёння свет прыгадвае Міжнародны дзень спынення беспакаранасці за злачынствы супраць журналістаў. Чэшская Рэспубліка, ЗША, Канада, Эстонія, Нідэрланды і Злучанае Каралеўства, якія разам з іншымі краінамі з’яўляюцца членамі Кааліцыі за свабоду СМІ (Media Freedom Coalition), пацвярджаюць вернасць свайму абавязацельству звяртаць увагу на парушэнні свабоды журналістаў ва ўсіх краінах і на ўсіх узроўнях.

Пакуль пераслед журналістаў не будзе спынены, усе краіны павінны прыкладаць намаганні для расследавання кожнага нападу на журналістаў і справядлівага пакарання вінаватых.