![na_celou_sirku](/public/50/b/36/4820767_2937740_MicrosoftTeams_image__17_.png)
Тэатральная пастаноўка ў памяць пра яўрэяў з горада Брно, забітых у Мінскім гета
07.10.2022 / 14:48 | Aktualizováno: 31.10.2022 / 14:56
6 кастрычніка 2022 года ў сінагозе Рэлігійнага аб’яднання супольнасцей прагрэсіўнага іудаізму ў Мінску адбылася прэм’ера тэатральнай пастаноўкі “За жыццё”, якую пад эгідай Пасольства Чэшскай Рэспублікі ў Рэспубліцы Беларусь і ў супрацоўніцтве з ім падрыхтаваў яўрэйскі тэатральны гурт “Хохма” і вернікі Рэлігійнага аб’яднання супольнасцей прагрэсіўнага іудаізму.
Трагікамедыя “За жыццё” ў лёгкай манеры набліжае трагічны лёс яўрэяў з горада Брно – акцёраў і музыкантаў –, якія нават пасля этапу з Брна ў Мінскае гета не здаліся і нават у Мінскім гета працягвалі рыхтаваць тэатральную пастаноўку, рэпетыцыі якой пачаліся яшчэ ў Брне.
Вечар памяці яўрэяў з горада Брно адкрыла кароткае слова равіна Рэлігійнага аб’яднання супольнасцей прагрэсіўнага іудаізму Рыгора Абрамовіча, за якім ішлі анлайн-выступ спецыяльнага ўпаўнаважанага Міністэрства замежных спраў Чэшскай Рэспублікі па справах халакосту, міжрэлігійнага дыялогу і свабоды веравызнання Роберта Ржэгака і слова пасла Чэшскай Рэспублікі ў Беларусі Томаша Перніцкага.
Тэатральнай пастаноўцы папярэднічала жалобная цырымонія ля помніка яўрэям з горада Брно, забітым у Мінскім гета, у якой прынялі ўдзел не толькі чэшскія дыпламаты, але таксама вернікі Рэлігійнага аб’яднання супольнасцей прагрэсіўнага іудаізму. Пад час жалобнай цырымоніі равін Абрамовіч прамовіў малітву за памерлых.
сачыце за намі на