![na_celou_sirku](/public/fe/e9/6d/3537712_2165266_COV_Tabor.jpg)
Чэшскія кампаніі змогуць удзельнічаць у мадэрнізацыі ачышчальных збудаванняў у Беларусі
28.05.2019 / 09:45 | Aktualizováno: 04.06.2019 / 11:25
Новыя магчымасці адкрываюцца для чэшскага бізнесу ў Беларусі. Каб выкарыстоўваць існуючы экспартны патэнцыял, Пасольства ў супрацоўніцтве з Міністэрствам прамысловасці і гандлю Чэшскай Рэспублікі і Асацыяцыяй развіцця інфраструктуры ажыццявіла візіт місіі прадстаўнікоў воднага сектара з Беларусі.
Кіраванне воднымі рэсурсамі з'яўляецца галіной, якая ў цяперашні час перажывае незвычайнае развіццё ў Беларусі. Яна дае чэшскім кампаніям вельмі цікавыя магчымасці для ўдзелу ў праектах па мадэрнізацыі ачышчальных збудаванняў, вадаправодных сетак і г.д. Акрамя таго, фінансаванне гэтых праектаў (каля 228 млн. еўра) забяспечваецца Еўрапейскім банкам рэканструкцыі і развіцця і Еўрапейскім інвестыцыйным банкам, што гарантуе празрысты і надзейны гандаль.
Такім чынам, чатырохдзённы праект эканамічнай дыпламатыі заснаваны на камандзіроўцы чэшскіх прадпрымальнікаў у Мінск у лістападзе 2018 года з мэтай падтрымкі іх прасоўвання на беларускім рынку ў разгледзенай вобласці.
У рамках праграмы ўвага была ўдзелена знаёмству з водагаспадарчымі аб'ектамі, каб паказаць гасцям ўзровень існуючых тэхналогій і адказаць на іх тэхнічныя пытанні. Дэлегацыя наведала адну з самых сучасных станцый ачысткі сцёкавых вод – AČOV Tábor і цэнтральную механічна-біялагічную станцыю ачысткі сцёкавых вод, якія паступаюць з гарадской каналізацыі Прагі, на Імператарскім востраве. Праграма таксама ўключала удзел у 21-й міжнароднай выставе па рэгуляванні водных рэсурсаў «Водазабеспячэнне і каналізацыя» у Летнянах і рэгіянальным семінары па праектах Еўрапейскага банка рэканструкцыі і развіцця і Сусветнага банка ў Беларусі.
У семінары, які праходзіў у памяшканні Міністэрства прамысловасці і гандлю Чэшскай Рэспублікі, прынялі ўдзел 50 прадстаўнікоў бізнес-сектара і органаў дзяржаўнага кіравання. У адкрыцці семінара прынялі ўдзел прэзідэнт Асацыяцыі развіцця інфраструктуры Томаш Янеба, намеснік міністра замежных спраў Марэк Свобода, дырэктар дэпартамента экспартнай стратэгіі і паслуг Міністэрства прамысловасці і гандлю Рудольф Клепачэк і дырэктар аддзела па міжнародных адносінах Міністэрства фінансаў Зузана Мацяшова. Потым дыскусія была зладжана ў форме чатырох блокаў, якія ўключалі (1) вопыт Чэшскай Рэспублікі ў галіне абнаўлення і развіцця сістэм водазабеспячэння і каналізацыі; (2) бягучы стан і праблемы воднага сектара ў Беларусі; (3) план мадэрнізацыі асобных водаачышчальных збудаванняў у Мінскай і Віцебскай абласцях; (4) асноўныя аспекты патрэбнай дакументацыі ЕБРР на пастаўку абсталявання і тэхналогій.
Мерапрыемства, якое было фінансавана ў рамках праекта па прасоўванні эканамічнай дыпламатыі, прадэманстравала перадавую практыку падрыхтоўкі і будаўніцтва ачышчальных збудаванняў у Чэшскай Рэспубліцы прадстаўнікам водагаспадарчага сектара Беларусі і паказала чэшскім кампаніям канкрэтныя магчымасці экспарту, які уключаны ў праекты міжнародных фінансавых інстытутаў у Беларусі.
Аўтар: Іван Галат, гандлёвы саветнік Пасольства Чэшскай Рэспублікі ў Мінску
сачыце за намі на