Дыпламатычнае прадстаўніцтва Чэшскай Рэспублікі ў Мінску актыўна ўключылася ў святкаванне  Дня Еўропы, якое праходзіла пад эгідай Прадстаўніцтва Еўрапейскага саюза ў Рэспубліцы Беларусь.

Гасцям былі прадстаўлены традыцыйныя стравы чэшскай кухні: былі прыгатаваныя чэшскія бульбяныя аладкі “брамбаракі”, шніцэлі з соусам тартар, дамашні кекс “бабаўка” і асарці каляднага печыва. У “бабаўкі” мелася і дадатковае сімвалічнае значэнне, паколькі яе асабіста прыгатаваў кіраўнік дыппрадстаўніцтва Чэхіі ў Мінску, што дадало чэшскай прэзентацыі аўтэнтычнасці.

З напояў наведнікі маглі прадэгуставаць традыцыйныя чэшскія моцныя спіртныя напоі: лікёр “бэхераўку” і ром Republica, што сталі цудоўным дапаўненнем да прапанаваных пачастункаў.

Удзел мінскага дыппрадстаўніцтва Чэхіі ў гэтым мерапрыемстве зрабіў унёсак у прэзентацыю чэшскай культуры і гастраноміі, а таксама ва ўмацаванне станоўчага іміджу Чэшскай Рэспублікі ў межах гэтай значнай еўрапейскай падзеі.