“Сяброўства: з пакалення ў пакаленне” – у Мінску адбыўся канцэрт духоўнай музыкі
05.09.2025 / 15:48 | Aktualizováno: 05.09.2025 / 15:50
У нядзелю 24 жніўня 2025 года ў касцёле Найсвяцейшай Тройцы (святога Роха) ў Мінску прайшоў канцэрт духоўнай музыкі пад назвай “Сяброўства: з пакалення ў пакаленне”. Мерапрыемства ладзілася пад эгідай іўдзейскай супольнасці і Каталіцкага Касцёла. Супольны выступ іўдзейскіх і каталіцкіх творцаў стаў моцным сімвалам еднасці, узаемнай пашаны і надзеі.
Канцэрт прыцягнуў увагу не толькі дзясяткаў іўдзейскіх і каталіцкіх вернікаў, але таксама прадстаўнікоў дыпламатычных місій, якія працуюць у Беларусі. Сярод запрошаных прысутнічалі і дыпламаты Пасольства Чэшскай Рэспублікі ў Рэспубліцы Беларусь. У багатую праграму мерапрыемства ўваходзілі выступы найлепшых беларускіх творцаў. Музыка з’яўляецца ўніверсальнай мовай, якая не патрабуе перакладу і выходзіць па-за межы веры, паходжання і ўзросту, яднаючы нас у самым істотным – у чалавечнасці.
Галерэя
„Přátelství – z generace na generaci“
