Сёлета да гэтай даты было прымеркавана некалькі мерапрыемстваў, першае з якіх – наведанне намеснікам кіраўніка дыппрадстаўніцтва тэатральнай пастаноўкі, прадстаўленай 24 студзеня 2025 года ў сінагозе Аб’яднання супольнасцей прагрэсіўнага іўдаізму. Новую пастаноўку пад эгідай пасольства Чэхіі падрыхтавала яўрэйскае тэатральнае таварыства “Хохма”, стварыўшы гэтым самым працяг папярэдняй пастаноўкі, паказанай у кастрычніку 2022 года. Другая частка трагікамедыі “За жыццё. Працяг” у нязмушанай манеры набліжае гледачу трагічны лёс яўрэяў з горада Брно: акцёраў і музыкаў, забітых падчас Другой сусветнай вайны пасля прымусовага перамяшчэння з Брно ў Мінскае гета.

28 студзеня 2025 года памяць яўрэяў з Чэхіі і Маравіі, забітых падчас Другой сусветнай вайны ў Мінскім гета, у лагеры смерці ў Малым Трасцянцы і ў Баранавічах, ушанаваў і кіраўнік чэшскага дыпламатычнага прадстаўніцтва ў Мінску спадар Томаш Крыл. Ён сумесна з прадстаўнікамі іншых пасольстваў і дыпламатычных місій, а таксама з прадстаўнікамі беларускіх іўдзейскіх арганізацый і членамі мясцовай іўдзейскай супольнасці прыняў удзел у аўтарскім вечары Аляксея Жбанава. Падчас вечара можна было таксама азнаёміцца з прадстаўленай фотавыставай.