У свеце няма іншай глабальнай арганізацыі, якая мела б такую легітымнасць, паўнамоцтва склікаць дзяржавы і кампетэнцыю забавязваючага прадпісання, як у ААН. Ніякая іншая міжнародная арганізацыя не дае такой колькасці людзей надзею на лепшы свет. Сёння яшчэ больш, чым калі-небудзь да гэтага, нам патрэбна, каб усе краіны аб’ядналіся і выканалі абяцанне злучаных нацый. Дзень ААН – гэта нагода, каб умацаваць агульную праграму ўсяго свету і зноў пацвердзіць мэты і прынцыпы Статута ААН, якім мы кіруемся ўжо 78 год.

У аснове Статута ААН ляжыць рашучасць загойваць супярэчнасці, паляпшаць адносіны і будаваць мір; пашыраць магчымасці і нікога не пакінуць убаку; забяспечыць справядлівасць, роўныя правы і ўмацоўваць становішча жанчын і дзяўчат; забяспечыць жыццёва неабходнай дапамогай тых, каму яна патрэбная; і, нарэшце, быць дастаткова гнуткай, каб магчы вырашаць выклікі, якіх у часы ўзнікнення ААН яшчэ не існавала: ад экзістэнцыйнага кліматычнага крызіса да рыскаў і магчымасцей, якія прыносіць штучны інтэлект.