На адкрыцці выставы прысутнічалі дырэктар Гарадскога гістарычнага музея Галіна Ладзісава, дырэктар Мінскага дзяржаўнага мастацкага каледжа А.К. Глебава Аляксандр Шантаровіч і пасол Чэшскай Рэспублікі ў Беларусі Томаш Перніцкі, які прадставіў наведвальнікам не толькі мастацкую, але і педагагічную дзейнасць Паўла Ногі, які скончыў мастацка-прамысловы ўніверсітэт у Празе і ўніверсітэт выяўленчага мастацтва ў Браціславе, экспанаваў сваю творчасць ў Мексіцы, на Тайвані, у Аўстрыі, Польшчы і Славакіі, а таксама выкладае ва Універсітэце Томаша Баці ў Зліне і ва Універсітэце Масарыка ў Брно.

Выстава, на якой было прадстаўлена больш за 30 афіш, прысвечаных розным культурным падзеям (музычным фэстам і канцэртам, літаратурным вечарам і мастацкім выставам), выклікала вялікую цікавасць з боку беларускай інтэлектуальнай грамадскасці, студэнтаў мастацкіх школ, а таксама дызайнераў графікі і афіш.