Пра важнасць Вацлава Гавэла ў кантэксце развіцця Чэхаславакіі, Чэхіі і ў Еўропы ў дзевяностыя гады, а таксама пра яго літаратурныя творы ў сваіх выступах распавялі старшыня «Руху за свабоду» Юрась Губарэвіч, пасол Чэхіі ў Беларусі Томаш Перніцкі, уладальнік прэміі Вацлава Гавэла ў 2013 годзе Алесь Бяляцкі і многія іншыя беларускія палітыкі, грамадскія дзеячы і пісьменнікі.

Падчас «Вечара Вацлава Гавэла» былі таксама прадстаўлены некаторыя працы з выставы «1989  – Аксамітная рэвалюцыя», прысвечанай Вацлаву Гавэлу. У рамках далейшай культурнай праграмы беларускія акцёры Іван Трус і Анатоль Лагуценка выканалі ўрывак з аднаактавай п'есы Гавэла «Пратэст». У канцы «Вечара Вацлава Гавэла» з некалькімі песнямі выступіў музыка Андрусь Такінданг.