Раніцай пасол Чэшскай Рэспублікі Томаш Перніцкі ў суправаджэнні намесніка пасла Пятра Галаксы і ваенна-паветранага аташэ палкоўніка Лубаша Коўдэлкі ўсклалі вянок да труны спачылага Станіслава Шушкевіча, а затым пасол Томаш Перніцкі сумесна  з іншымі кіраўнікамі амбасадаў дзяржаў-сябраў ЕЗ прысутнічаў на пахавальнай святой імшы, цэлебрацыю якой узначаліў Мітрапаліт Мінска-Магілёўскі арцыбіскуп Яго эксцэленцыя Юзаф Станеўскі. Разам з ім маліліся арцыбіскуп эмерыт Яго Эксцэленцыя Тадэвуш Кандрусевіч і біскуп Віцебскі Яго Эксцэленцыя Алег Буткевіч.