![na_celou_sirku](/public/43/7d/83/4544351_2797572__2022_01_20_skaryna_004.jpg)
Святочная імша ў гонар выдатнага беларускага гуманіста Францыска Скарыны (1470 - 1551/1552)
21.01.2022 / 15:31 | Aktualizováno: 25.01.2022 / 10:32
20 студзеня 2022 года ў касцёле св. Сымона і св. Алены ў гістарычным цэнтры Мінска адбылася ўрачыстая імша ў гонар памяці выдатнага беларускага гуманіста 16 стагоддзя Францыска Скарыны, які значную частку свайго жыцця правёў у Празе.
Напрыканцы набажэнства, на якім, акрамя дзясяткаў беларускіх вернікаў, прысутнічалі Пасол Каралеўства Швецыя і Саветнік-пасол Пасольства Славацкай Рэспублікі, выступіў Пасол Чэшскай Рэспублікі ў Рэспубліцы Беларусь Томаш Перніцкі. У сваім выступе ён апісаў дзейнасць Францыска Скарыны ў Празе, падчас якой беларускі гуманіст стварыў і ў 1517 годзе выдаў у Празе першы пераклад Бібліі на беларускую мову. Падчас свайго другога знаходжання ў Празе (верагодна, з 1535 г. да смерці Скарыны ў 1551 г. або ў пачатку 1552 г.) Францыск Скарына таксама працаваў батанікам пры двары чэшскага караля Фердынанда I Габсбургскага.
![T. Pernický](/public/4/55/76/4544337_2797572__2022_01_20_skaryna_041.jpg)
![Mše - VV](/public/6c/ac/13/4544323_2797572__2022_01_20_skaryna_008.jpg)
сачыце за намі на