Дыпламатычныя прадстаўніцтвы абедзьвюх краін працуюць на ўзроўні амбасад.

Пасольства Чэшскай Рэспублікі ў г. Мінску было заснавана ў 1994 г. Спачатку яно працавала з мінімальнай колькасцю супрацоўнікаў. У траўні 2000 г., у сувязі з увядзеннем візавага рэжыму, колькасць супрацоўнікаў значна павялічылася.

Стасункі паміж ЧР і РБ носяць карэктны характар, нягледзячы на тое, што іх погляды на некаторыя палітычныя пытанні не супадаюць. Чэшская Рэспубліка зацікаўлена ва ўмацаванні беларускай дзяржаўнасці і развіцці стандартных адносінаў з суверэннай і дэмакратычнай Беларуссю, у карэктных пазітыўных і ўзаемавыгадных кантактах, асабліва ў эканамічнай вобласці.