Урачыстую вечарыну адкрыў кіраўнік дыпламатычнага прадстаўніцтва Чэшскай Рэспублікі ў Мінску спадар Томаш Крыл, прыгадаўшы падзеі 1918 года, якія прывялі да ўзнікнення незалежнай Чэхаславацкай Рэспублікі. Чэшскую Рэспубліку, якая ўзнікла 33 гады таму і з’яўляецца пераемніцай традыцый чэшскай і чэхаславацкай дзяржаўнасці, ён прадставіў як краіну з багатай гісторыяй, культурнай спадчынай і маляўнічай прыродай, што стала неад’емнай часткай еўрапейскага прастору.Чэхія напрацягу доўгіх гадоў развівае прыязныя стасункі з дэмакратычнымі краінамі і з’яўляецца надзейным гандлёвым і палітычным партнёрам.

З 2021 года 28 кастрычніка ўключана ў спіс дзяржаўных святаў Славакіі, дзе адзначаецца пад назвай “Дзень узнікнення незалежнай чэшскай і славацкай дзяржавы”.

Цягам вечару госці з дыпламатычнага корпуса мелі магчымасць прадэгуставаць віно з Чэхіі і Маравіі з прафесійным суправаджэннем і каментаром беларускага самелье. Агульную гастранамічную карціну дапаўнялі тыповыя чэшскія пачастункі.

Прэзентацыя віна атрымала вельмі станоўчыя водгукі прысутных. Госці высока ацанілі яго якасць, а таксама магчымасць бліжэй пазнаёміцца з традыцыяй вінаробства ў Чэшскай Рэспубліцы, якая, хоць і менш вядомая за традыцыю вырабу піва, прапануе свету выдатнае віно розных відаў.

Мерапрыемства прайшло вельмі паспяхова і стала ўдалым працягам прэзентацыі віна з Маравіі, якая адбылася ў пасольстве ў кастрычніку 2025 года.