Hazırda BSU-nun dilçilik və tərcümə fakültələrində çex dili üzrə təhsil alan 50 tələbə var. Burada çex və polyak dillərinin birlikdə tədris olunduğu Qərbi Slavyan Dilləri Kafedrası yaradılıb. Həmçinin, Bakı Slavyan Universitetində “Çex Dili və Mədəniyyəti Mərkəzi” fəaliyyət göstərir. BSU-nun əsas tərəfdaş universitetlərindən biri də Karlov Universitetidir (KU). Bundan əlavə, Masarik Universiteti də əməkdaşlıqda maraqlıdır. BSU və KU qarşılıqlı, hər iki tərəf üçün faydalı əməkdaşlığa xüsusi önəm verirlər və BSU Karlov Universitetində Azərbaycan dilinin tədrisində maraqlıdır.