Builki festivalın mövzusu tamaşaçılar arasında empatiya, anlaşma və birliyi təşviq etmək idi. Bir həftəlik proqrama nümayişlər, seminarlar və müsabiqə proqramı daxil idi. Müsabiqə proqramına 37 ölkədən 196 müraciət daxil olub, seçim komissiyası 18 ölkədən 48 filmi seçib. Bunlardan 12 film yerli, 36 film isə beynəlxalq kateqoriyalar üzrə yarışıb. Filmlər beynəlxalq münsiflər heyəti və tamaşaçılar tərəfindən qiymətləndirilib və bağlanış mərasimində qaliblər elan edilib.

ANIMAFİLM-in təsisçisi, direktoru, eləcə də Azərbaycan Animasiya Assosiasiyasının sədri Olomouts şəhərində Palaçki Universitetində kinoşünaslıq üzrə təhsil almış və Çexiya Respublikasında məskunlaşmış cənab Rəşid Ağamalıyevdir. Bu ilki tədbirdə həm bədii, həm də qısametrajlı filmlərinin tanınmış çex prodüseri və filmləri Oskar mükafatına namizəd olan əsas animasiya şirkəti MAUR filmin ilk prezidenti cənab Martin Vandas da iştirak edirdi. O, münsiflər heyətinin üzvü rolunu üzərinə götürdü və uşaq filmləri olan "Don't Blow It Up", "Hello Summer", "Criss Cross", "Susie in the Gardens", "The Pit", "The Concrete Jungle" və "The Tree" adlı uşaq filmlərini təqdim etdi.

Festivalda Bilgəhdəki 11 saylı internat məktəbinin uşaqları da fəal iştirak ediblər. Məktəb Azərbaycan animasiyasının atalarından biri cənab Elçin Axundovun təsis etdiyi “Qurama” uşaq animasiya studiyası ilə məşhurlaşıb.

Hana Halfarova, M. Luboyatski