Çex kuklaçılıq sənətinin tarixi XVIII–XIX əsrlərə gedib çıxır və həmin dövrdə səyyar kuklaçılar şəhərdən-şəhərə gəzərək tamaşalar göstərirdilər və bu tamaşaları çex dilində təqdim etməklə xalq arasında o dövrdə sıxışdırılan ana dilin inkişafına töhfə verirdilər. Zamanla kukla düzəltmə ənənəsi ailə sənəti kimi nəsildən-nəslə ötürülməyə başlamışdır. Kuklaçılar tez-tez xalq və nağıl personajlarına əsaslanaraq öz marionetlərini oyaraq hazırlayır və bütün obrazları təkbaşına idarə və səsləndirirdilər. Bu, tel üzərində hərəkət edən kuklaların bərk hərəkətini ifadəli vokal ifalarla tarazlayan unikal üslub yaratmışdır. Çex kuklaçılıq sənətinin uzunmüddətli ənənəsi UNESCO-nun Qeyri-Maddi Mədəni İrs Siyahısına daxil edilməsi ilə təsdiqlənmişdir.

Çexiyada kukla sənəti bu gün də yaşayır və yüksək inkişaf səviyyəsinə malikdir. O, milli mədəniyyətin əsas ünsürlərindən biri sayılır. Çex Respublikasında doqquz peşəkar kukla teatrı, yüz müstəqil kollektiv və üç yüz həvəskar kollektiv fəaliyyət göstərir.

Foto sərginin əsas hissəsini tamamlayan layihə çərçivəsində həmçinin dünyanın müxtəlif bölgələrindən – o cümlədən Kamerunun şimal dağlarında balqabaq və buynuz xalq oyma sənəti ilə hazırlanmış nümunələr kimi – ənənəvi kukla və marionet nümunələri də təqdim olunub.

(Lubojacký, translation: Rzayeva)

Media coverage:

https://www.trend.az/life/culture/4041551.html, https://news.day.az/culture/1751321.html

https://novayaepoxa.com/v-baku-sostoyalos-otkrytie-fotovystavki-aydyna-sadykhova/529164,

https://www.youtube.com/watch?v=GfqGIvm2rFY&t=34s&ab_channel=M%C9%99d%C9%99niyy%C9%99tTV

https://www.azernews.az/culture/241362.html, https://www.azernews.az/culture/241387.html