İyirmi ildir ki, BSU-da digər slavyan dilləri ilə yanaşı çex dili də tədris olunur. Hazırda 50-yə yaxın tələbə çex dilini iki sahədə öyrənir: dilçilik və tərcümə. Bu yaxınlarda universitetdə çex dilinin polyak dili ilə birgə tədris edildiyi yeni Qərbi Slavyan dilləri kafedrası yaradılmışdır.

BSU-nun ən mühüm tərəfdaş universitetlərindən biri olan KU illər əvvəl “BSU Çex dili və mədəniyyəti mərkəzi”nin yaradılmasına və təchizatına yardım etmişdir. Əməkdaşlığın əsas istiqamətlərindən biri qısamüddətli mühazirə proqramlarının həyata keçirilməsi olmuşdur. Bu il dörd illik fasilədən sonra BSU-ya mühazirəçilərin göndərilməsi bərpa olundu və sentyabr-oktyabr aylarının əvvəlində KU-nin İncəsənət Fakültəsinin Çex Dili və Ünsiyyət Nəzəriyyəsi İnstitutundan Doc. PhDr. İvana Bozdexova BSU-da qonaq oldu. Onun səfəri dostluq əməkdaşlığı çərçivəsində baş tutmuş, səfər xərcləri Çexiya tərəfindən qarşılanmış, yaşayış isə BSU tərəfindən təmin olunmuşdur.

Doc. Bozdexovanın səfəri zamanı BSU-ya 60 çex dili dərsliyi və digər kitablar hədiyyə edilib və onlar Çexiyanın Bakıdakı Səfirliyinin nümayəndəsinin iştirakı ilə təhvil verilib. “Xaricdə Çex Mədəni İrsinə Dəstək Proqramı” çərçivəsində əldə edilmiş bu dərsliklər Azərbaycanda çex dilinin tədrisinin keyfiyyətinin artırılmasına töhfə verəcəkdir.

(Lubojacký)