Azərbaycan veteranları medal ilə təltif olundular
14.06.2018 / 07:27 | Aktualizováno: 10.07.2018 / 07:32
Çexiyanın Azərbaycandakı Səfirliyi və Azərbaycan Respublikası Müharibə, Əmək və Silahlı Qüvvələr Veteranları Təşkilatı arasında əməkdaşlığın inkişafı ilk mühüm nəticəsini göstərib. Apardığı araşdırmalar sayəsində Çexoslovakiyanın azad olunmasında iştirak edən səkkiz veteranın siyahısının hazırlanmasına görə təşkilata minnətdarıq.
13 iyun 2018-ci il tarixində Polkovnik-leytenant Jan Havlicek və adyutantı Tomaş Kubaç həmçinin Müvəqqəti İşlər Vəkili Petr Vagner ilə təşkilatda görüş təşkil edilmişdir. Təşkilatın sədri General-polkovnik Tofiq Ağahüseynov və sədr müavini Polkovnik Cəlil Xəlilov ilə görüşdə Jan Havlicek veteranlara təşkilatın köməyi ilə təslim ediləcək hərbi attaşe medallarını təqdim etdi.
Dostluq şəraitində qarşılıqlı əməkdaşlığın digər imkanları da müzakirə olunmuşdur. Təşkilat, Çexoslovakiyanın azad edilməsində Azərbaycanlı əsgər və partizanların iştirakı əks olunan Azərbaycan-Çexiya əlaqələrinə həsr olunmuş kitabın bir hissəsini hazırlayan Azərbaycanlı tarixçiyə kömək edir.