Жәрмеңке аясында Чех Республикасы өзінің ұлттық стендін ұсынып, қонақтарға түрлі рождестволық тәттілерді, қолдан жасалған имбирь пряниктерін, сондай-ақ дәстүрлі чех хрусталынан жасалған бұйымдарды таныстырды. Көпшілікке ерекше ұнаған чехиялық Budweiser Budvar сырасы да қонақтарға ұсынылып, әдеттегідей үлкен сұранысқа ие болды.

Чех стендінің сәтті ұйымдастырылуына Allur, Budějovický Budvar, Caravan Beverage Group, Orkla Foods Česko a Slovensko, Tekro, spol. s r.o., «Прага» дүкендер желісі және өзге де серіктестер мен демеушілер айрықша үлес қосты.

Қатысушылар мен демеушілердің бірлескен күш-жігерінің арқасында биыл жиналған қаражат өткен жылғы көрсеткіштен асып, 1 491 000 теңгені құрады. Жиналған барлық қаражат Қазақстанның әр өңірінде жүзеге асырылатын қайырымдылық бастамаларға, соның ішінде әлеуметтік осал топтарды қолдауға және өңірлік жобаларды дамытуға бағытталатын болады.

ASA қайырымдылық жәрмеңкесі жыл сайын дипломатиялық қауымдастықтың бірлігі мен әлеуметтік жауапкершілікке деген ортақ ұстанымын айқын көрсетіп келеді.