Цаг хугацааны эрхээр бүжиг нь хүн ардын баяр цэнгэлийн нэг хэсэг болж, театрын үзүүлбэрт ч багтах болжээ.

Бүжиг нь үлгэр түүх хүүрнэх, мэдрэмжээ илэрхийлэх, эсвэл зүгээр л баяр баяслаа илтгэх хөдөлгөөн байж болно. Хүмүүс хэсэг бүлгээрээ юмуу эсвэл үзэгчдэд, хайртай хүмүүстээ эсвэл бүр өөртөө зориулж бүжиглэдэг. Бүжиг нь хэмнэл, хөгжимтэй холбоотой бөгөөд ихэнхдээ содон өнгө төрх бүхий өвөрмөц хувцастай хосолсон байдаг. Бүжигчид төдийгүй бүжиг дэглээч, тайзны ажилчид бүжиг бүтэх үйл явцад оролцдог бөгөөд уламжлалт бүжгийн ард хөгжимчид, бүжигчид гээд олон төрлийн уран бүтээлчид ажиллаж байдаг.

Уралдааны сэдэв:

БҮЖИГ

Дэд сэдвүүд:

• Чиний хамгийн дуртай бүжиг юу вэ?
• Ямар хөгжмийн аянд бүжиглэмээр санагддаг вэ?
• Хаана, хэнтэй бүжиглэхийг хүсдэг вэ?
• Бүжиглэх үед ямар мэдрэмж төрдөг вэ? Бүжгээр юуг илэрхийлэхийг хүсдэг вэ?
• Байгаль дэлхий, эд юмс бүжиглэж чаддаг болов уу?

Бүтээлийн техник

• Гар зураг/уран зураг
• График
• Холимог арга
• Гэрэл зураг
• Кино бичлэг/хүүхэлдэйн кино
• Урлагийн объект

Уралдааны нөхцөл:

• Уралдаанд зөвхөн 4 – 16 насны хүүхэд оролцоно. Хөгжлийн бэрхшээлтэй оролцогчид насны хязгаарлалтгүйгээр тэмцээнд оролцох эрхтэй.
• 2 хэмжээст бүтээлийн хавтангийн дээд хэмжээ – 70 х 50 см.
• 3 хэмжээст бүтээлийн дээд хэмжээ – 100 х 70 х 40 см, дээд жин 10 кг.
• Нэг оролцогч уралдаанд нэг хэлбэрээр (уран зураг, гар зураг, сийлбэр, холимог аргын, гэрэл зураг, кино бичлэг/хүүхэлдэйн кино, 3 хэмжээст объект) хамгийн ихдээ хоёр бүтээл ирүүлж болно. Харин өөр өөр хэлбэрээр хэд хэдэн бүтээл ирүүлэх боломжтой.
• Гэрэл зураг сайн чанарын цаасан дээр хэвлэгдсэн байх.
• Кино бичлэг – богино хэмжээний кино болон хүүхэлдэйн кино хамгийн ихдээ 3 минутын урттай байх
• Бүтээлийн зөвхөн эх хувийг ирүүлнэ.

Уралдаанд бүтээл ирүүлэх болон бүтээл дээр шошго наах заавар:

1. 2023 оны 1 сарын 31-ний өдрийн дотор уралдаанд оролцох бүтээлийг Улаанбаатар хот дахь БНЧУ-н ЭСЯ-нд Өргөдлийн маягт /уг нийтлэлд хавсаргасан/ болон оролцогчдын нэрсийн хамт ирүүлэх (бүтээл дээр доорх зааврын дагуу шошго наасан байна)
2. Бүтээлийн ар талд доор дурдсан мэдээллийг агуулсан /уг нийтлэлд хавсаргасан/ шошго байрлуулах шаардлагатай. Үүнд:
   • Хүүхдийн нэр, овог (энэ дарааллаар: 1. Нэр, 2. Овог)
   • Хүүхдийн  нас, хүйс
   • Бүтээлийн нэр
   • Бүтээлийн техник
   • Бүтээл ирүүлж буй байгууллага болон сургуулийн нэр, дэлгэрэнгүй хаяг (Нэр, гудамж, шуудангийн хаяг, хот, улс). Шагналтай холбоотой мэдээлэл уг хаяг луу илгээгдэнэ.
   • Уралдаантай холбоотой асуудлаар байгууллагатай харилцах и-мэйл хаяг, сургуулийн цахим хуудас болон дүрслэх урлагийн багшийн и-мэйл хаяг
   • Хэрвээ хүүхэд хувиараа оролцож байгаа бол нэр, нас, хүйс, гэрийн хаяг болон эцэг эхийн и-мэйл хаягийг бичих (хувиараа оролцож буй оролцогчийн бөглөх маягтыг энэхүү холбоосоор орж, татаж авна уу: Invitation for Children to participate in the 51st International Children’s Exhibition of Fine Art Lidice 2023 | ICEFA Lidice (mdvv-lidice.cz))

• Шошго дээрх тэмдэглэгээ, танилцуулгыг гаргацтай, ЛАТИН, ДАРМАЛ ТОМ үсгээр /компьютер дээр бөглөөд хэвлэж наавал сайн/ бөглөнө. Энэхүү нөхцөлийг хангаагүй бүтээл уралдаанд хамрагдахгүй болохыг анхаарна уу.

Анхаарах зүйлс: Уралдаанд ирүүлсэн бүтээлийг буцааж олгохгүй. Уралдаанд бүтээлийн зөвхөн эх хувийг хүлээн авна. Зураг илгээхдээ зургийн өнгө, будаг нь арилахаас сэргийлнэ үү. Зөвхөн тухайн оны өгөгдсөн сэдвийн хүрээнд бүтээл хүлээн авна. Зааснаас том хэмжээтэй, шошго нь сайтар тэмдэглэгдээгүй бүтээлийг хүлээн авахгүй.

Уралдаантай холбоотой дэлгэрэнгүй мэдээлэл, мөн уралдаанд кино бичлэг, хүүхэлдэйн кино бүтээл ирүүлэхтэй холбоотой заавар, удирдамжийг дараах цахим хуудсаас авна уу

https://www.mdvv-lidice.cz/en/invitation/

Уралдаантай холбоотой асуудлаар Улаанбаатар хот дахь БНЧУ-ын ЭСЯ-тай дараах утас, и-мэйлээр холбоо барина уу,

Утас:                           32 18 86 (24), 94018730

И-майл хаяг:              ulaanbaatar@embassy.mzv.cz

Бүртгэлийн маягт (DOCX, 65 KB)

Шошго (DOCX, 34 KB)