“Мазаалай- 2025” Олон улсын мөсөн сийлбэрийн тэмцээнд чехийн сийлбэрчин Вацлав Лэмон оролцов
28.01.2025 / 07:18 | Aktualizováno: 28.01.2025 / 07:49
Монголын үндэсний мөсөн сийлбэрийн холбоо, Соёл, спорт, аялал жуулчлал, залуучуудын яам хамтран Олон улсын мөсөн сийлбэрийн “Мазаалай- 2025” тэмцээнийг 2 дахь удаагаа зохион байгууллаа. Уг тэмцээн нь 2025.01.23-ны өдрөөс эхлэн Монгол улсын нийслэл хотын Үндэсний цэцэрлэгт хүрээлэнд зохион байгуулагдсан бөгөөд бүтээлүүдийг нь өвлийн турш тэнд харах боломжтой.
Тэмцээнд БНЧУ, Польш, Хятад, Орос, Малайз, Америк, Өмнөд Солонгос болон Мексик улсуудаас ирсэн 14 баг оролцсон бөгөөд нийт 28 уран бүтээлчид “Монголд тавтай морил” сэдвээр шилдэг мөсөн сийлбэрүүд урласан. Чехийн сийлбэрчин Вацлав Лэмон монголын уран бүтээлч Дамдин Энхжаргал-ын хамт нэг баг болж, хүчээ нэгтгэн “Морин жигүүр” нэртэй мөсөн сийлбэр урласан.
Мөсөн сийлбэрийн урлал нь 21-р зууны эхэн үеэс Монголд танигдсан урлаг болжээ. Нутгийн уран бүтээлчид өөрсдийн ур чадвар, Монголын уламжлалт хэв маягийг нэгтгэж чадсанаараа олон улсын тавцанд хүлээн зөвшөөрөгдсөн. Энэ жилийн тэмцээний ялагчаар Малайз-Монголын хамтарсан баг, хоёрдугаар байрт Польш-Монголын хамтарсан баг, гуравдугаар байрт монголын баг шалгарлаа. Өнгөрсөн жил, энэхүү тэмцээнийг зохион байгуулсан анхны жил ховордсон говийн баавгайг хамгаалах зорилготой "МАЗАААЛАЙГ АВАРЪЯ" аяны хүрээнд зохион байгуулж байсан юм.