БНЧУ-ын Элчин сайд ноён Ийржи Бродский өөрийн франц хэлээр хэлсэн нээлтийн үгэндээ Бүгд Найрамдах Чех Улс, тэр ялангуяа боловсролын салбар дахь чехийн оролцоо үүнд жилд олгож буй засгийн газрын 12 гаруй тэтгэлэг, гарын үсэг зурагдсан Харилцан ойлголцлын санамж бичгүүд дээр тулгуурлан чех болон монголын их дээд сургуулиудын хамтарсан боловсролын төслүүд мөн чехийн байгууллагуудын үйл ажиллагааны талаар тус тус онцлон танилцуулсан билээ. Дараагаар нь хүрэлцэн ирсэн монголын ахлах ангийн сурагчид болон их дээд сургуулиудын оюутнуудад зориулж www.studyin.cz цахим мэдээллийн хуудаснаас харах боломжтой чехийн их дээд сургуулиудын товч танилцуулгыг толилуулж үргэлжлүүлээд чехийн буланд урьж мэдээллээлээр хангасан юм. Залуу оюутнуудад уг бичлэгээр дамжуулсан боловсролын талаарх мэдээлэл нь илүү хүртээмжтэй байж чадсан юм. Удалгүй олон оюутнуудаар хүрээлэгдсэн чехийн буланд, Брно хот дахь Масарикийн Их Сургуулаас илгээсэн төрөл бүрийн сурталчилгааны материалуудыг тараасан юм. Бүгд Найрамдах Чех Улсын их дээд сургуулиудад суралцах монгол оюутнуудын тоо жилээс жилд нэмэгдэж байгаа бөгөөд тэдгээрийн ихэнх нь чех хэлний шалгалт өгч шаардлагатай түвшинд хүрсэн нь сургуульдаа үнэ төлбөргүй суралцах боломжийг ашиглаж байгаа билээ.  

Элчин сайдын франц хэл дээр нээлтийн үг
(DOCX, 20 KB)

Элчин сайдын англи хэл дээрх нээлтийн үг
(DOCX, 19 KB)

 

 zindaa.mn -ний нийтлэл.