![na_celou_sirku](/public/2c/32/4a/5111634_3062736__1m.jpg)
Udhëheqësi i Misionit u prit në takim lamtumirës nga Ministrja e Punëve të Jashtme dhe Diasporës
21.06.2023 / 16:06 | Aktualizováno: 21.06.2023 / 16:19
Më 21 qershor, udhëheqësi i Ambasadës Çeke në Kosovë, Pavel Bílek, është pritur në takim lamtumirës nga zëvendëskryeministrja dhe ministrja e Punëve të Jashtme dhe Diasporës, Donika Gërvalla-Schwarz.
Pavel Bílek falënderoi ministren për bashkëpunimin shumë të mirë të deritanishëm. Ai theksoi nivelin shumë të mirë të marrëdhënieve dypalëshe, ku kontaktet janë intensifikuar në periudhën e fundit dhe janë realizuar një sërë vizitash dypalëshe, të nivelit të lartë. Shumë e suksesshme ishte vizita e ministres së punëve të jashtme, Donika Gërvalla-Schwarz, në Republikën Çeke në fillim të qershorit. Udhëheqësi i Ambasadës Çeke informoi se Republika Çeke po e përcjell me shumë vëmendje krizën aktuale në marrëdhëniet ndërmjet Kosovës dhe Serbisë. Ai theksoi nevojën për hapa që çojnë në uljen e tensioneve dhe kthimin në tryezën e bisedimeve, të cilat duhet të mundësojnë përmbushjen e marrëveshjeve të këtij viti të arritura në kuadër të dialogut të lehtësuar nga BE-ja.
Follow us on