Ambasadori Urban informoi se Republika Çeke zbaton në Shqipëri çdo vit të paktën një projekt të ndihmës zhvillimore në sektorin e shëndetësisë. Këtë vit, përveç furnizimit me shtretër spitalor, ka mbështetur edhe prodhimin e protezave të gjymtyrëve. Vitin e kaluar furnizoi maternitetin “Koco Gliozheni” në Tiranë me një inkubator neonatal të teknologjisë së lartë të prodhuar nga kompania çeke TSE dhe një çantë transporti neonatal të prodhuar nga kompania EGO Zlín.

Republika Çeke ka një nga sistemet më të mira të kujdesit shëndetësor në Bashkimin Evropian dhe është gjithashtu një prodhues tradicional i pajisjeve të ndryshme mjekësore.

Ndarja e njohurive dhe produkteve me Shqipërinë do të kontribuojë në zgjerimin dhe thellimin e mëtejshëm të marrëdhënieve ekonomiko – tregtare mes Çekisë dhe Shqipërisë.